Манай аймгийн гудмаар сүлжилдэх ганган чамин, нүд булаасан машины хамгийн үнэтэйг нь сорчилж уншигч танд сонордуулж байна.

изнесийнхний хөл залгуулдаг үнэтэй эдгээр тэргүүд манай аймагтаа л ганц ганц. Хэн юугаа эдэлж хэрэглэх  нь юуны хамаа байна гэж зэмлэх нэгэн ч байх. Хөгжлийнхөө хурдыг дагаад машин тэргүүд ч модноос гарах нь амархан болж. Саяхан л Ланд 200 "од” болж байсан бол өнөөдөр жирийн машины эгнээнд элсчээ.
Орчин цагийн бизнесменүүдийн гангараа болсон төмөр хүлгийн аймагтаа хамгийн үнэтэйг нь "Дорнод гурил” ХХК-ийн захирал Х.Болорчулуун унаж байна. Герман улсын нэрийн тэмдэг болсон Мерседес Бенз маркын энэ машиныг харахад УАЗ-469 машинаас нэг их ялгарахааргүй. 69-тэй зүйрлэж доош нь хийлээ гэх вий дээ. Суугаад явж буй зорчигчдын аюулгүй байдлыг дээд зэргээр хамгаалдаг юм гэнэ лээ.  Хүнээс дуулах нь ээ, үнэ нь 140 сая орчим төгрөг.
Муухан амбаараас томхон, дотор нь амьдарчихаар хэмжээний саарал жийп ойрноос үзэгдэх боллоо. Сураг гаргах нээ захын тэнд байдаг гэр ахуйн барааны "Оюу” дэлгүүрийн эзэн Мөнхзулынх аж. Nissan фирмийн дориухан эд нь INFINITI Qx56 маркынх. Үнэ нь мөн л зуу орчим сая төгрөг. HUMMER үеийн үед мундаг нь байсан. Байлдааны зориулалтаар анх бүтээсэн HUMMER-ыг аймагтаа анх удаа "Өгөөж нарлаг тал” ХХК-ийн захирал Чулуунханд уналаа. HUMMER H3 маркын тус машин нь ная орчим саяын үнэтэй.
Тоо томшгүй болсон жижиг суудлын авто машинуудаас хамгийн өндөр үнэтэй нь "Эйч Жи Эй” ХХК-ийн захирал Таживын PROGRES NC300 машин. Бас "Евро” сүлжээ дэлгүүрийн эзэн Содзориг 30 саяын "Бенз” унадаг гэнэ. Энэ мэтчлэн сорчлоод түүгээд байвал овоохон л тоо гарах нь. Гаднаас ирсэн зочдын нүдийг баясгахаар эдгээр тэргүүд нэг талдаа аймгийнхаа нүүр царай болж байдаг.